पैसा ठुलो हैन र ?

चिन्ता बढ्दछ लोकमा किन सधैँ यो द्रव्यको खासमा
मान्छे गर्छ कुकर्म पाप किन हो यो द्रव्यकै आसमा।
पैसाकै पदचापमा किन सधैँ यो जिन्दगी दौडियो
आफ्नै बन्न सकेन साथ दरिलो धोका उसैले दियो।

लिन्छन् हुर्मत हुन्न इज्जत कतै अन्याय खप्छन् कति
पीडा मात्र छ छैन मानमनितो हेला हुनेछन् कति।
आफ्नै अर्थ महत्त्व छैन किन हो पैसा बिना दिन्दिन
बढ्नेछन् अवरोध झन् मनुजमा पैसा बिना खै किन।

पैसाले पद किन्छ मानव यहाँ खै मान्यता छन् कता?    सेवाभाव विलासमा ढलिगयो खै के छ बाँकी यहाँ?
भोको छैन किमार्थ द्रव्य नहुँदा मान्छे दरिद्री भयो
मान्छे घुम्दछ स्वार्थकै परिधिमा साझा समस्या छ यो।

आफ्नो पूर्णविराम छैन सहजै ठान्दै छ मान्छे किन?
उस्तै छन् दिन रात याम महिना उस्तै छ दैनन्दिन।
पैसाले सबथोक मिल्दछ भनी पाल्दै छ मान्छे भ्रम
जस्तै कष्ट परोस् विधान पथमा चल्ने छ यात्रा क्रम।                                                                                    मान्छे दीन दुखी हुनन् तर यहाँ स्वार्थी छ हाम्रै मन            आफैँ भित्र अभाव लुक्दछ यहाँ चल्दैन भो जीवन।
पैसासाथ छ वर्तमान बलियो देखिन्छ पैसा बल
ए मान्छे भन खास शुद्ध मनले पैसा ठूलो हैन र ?।।
इन्द्रावती – ५  सिन्धुपाल्चोक