युद्धप्रसाद मिश्र स्मृति पुरस्कारबाट सिन्धुपाल्चोकका आचार्य पुरस्कृत

काठमाडौ ।
प्रगतिशिल कवि युद्धप्रसाद मिश्रकाे ३४ औं स्मृति दिवसको अवसरमा सिन्धुपाल्चोकका कवि जगन्नाथ आचार्य युद्धप्रसाद स्मृति पुरस्कारबाट पुरस्कृत भएका छन । कवि मिश्रकाे ३४ औं स्मृति दिवसको सन्दर्भमा हिजो काठमाडौंकाे पद्मकन्या क्याम्पस बागबजारमा आयाेजित एक कार्यक्रमका बिच कवि आचार्यलाई पुरस्कृत गरिएको हाे । कार्यक्रमका प्रमुख अतिथि नेकपा (एमाले) का उपमहासचिव एवम् साहित्यकार प्रदिप ज्ञवाली (शितबिन्दु) ले दाेसल्ला, सम्मान -पत्र र रू. ३१ हजार नगद सहित उनलाई सम्मान प्रदान गरेका हुन ।

कार्यक्रममा साहित्यकार डा. कृष्ण सुवेदी (भारद्वाज मित्र) ले कवि जगन्नाथ आचार्यकाे साहित्यिक, राजनैतिक र समग्र सामाजिक जीवनका बारेमा प्रकाश पारेका थिए । पुरस्कृत कवि आचार्यले पुरस्कृत गरेकोमा आयाेजक युद्धप्रसाद मिश्र स्मृति प्रतिष्ठान प्रति कृतज्ञता जाहेर गर्दै २०२८ सालदेखि २०३४ सालसम्म कवि युद्धप्रसाद मिश्रसंग बिताएका अविस्मरणीय क्षणहरुकाे स्मरण गरेका थिए ।

युद्धप्रसाद मिश्रकाे ३४ औं स्मृति दिवसको अवसरमा युद्धप्रसाद मिश्रका जीवनी र उहाँसंग सम्बन्धित लेख रचनाकाे संगालाे युद्ध -३ पुस्तककाे समेत बिमाेचन गरिएको थियोे । प्रतिष्ठानका अध्यक्ष डा. फणीन्द्रराज निराैलाकाे सभापतित्वमा सम्पन्न कार्यक्रममा विभिन्न क्षेत्रका व्यक्ति व्यक्तित्व र कवि साहित्यकारहरुकाे बाक्लो उपस्थिति रहेको थियोे ।