नवलपुर मुलेमा आज पुर्णिमा मेला लाग्ने ।

सिन्धुपाल्चोक जिल्ला अन्तर्गत इन्द्रावती गाउँपालिका वडा नम्बर ४ नवलपुरस्थित मुलेकाे दारिगाैड देवि मन्दिर मा हरेक वर्ष झै यस वर्षको माघ पुर्णिामाको दिन पनि भब्य मेला  लाग्ने भएको छ । यस देवीको मन्दिरमा  स्थानीय श्याङ्बो गुठीले करिब ७ पुस्ता अगाडि देखिनै पुजा गर्दै आएकी स्थानीय बताउँछन ।

करिब १ सय वर्ष पहिले बाजेको पुस्ता चौतारा सांगचोकगढी नगरपालिका वाड न. २ गौरातीबाट बसाई सरेर नवलपुर मुलेमा आएको र बिस्तारै बसोबास गर्दै जादा आफ्नो घर पालन पशुपन्छी हरुलाइ क्षतबिच्छेद पार्न थालेपछि  स्थानीय दुखित भइ बाजे पुस्ता सङ जोखाना हेर्दा नजिकै एउटा ओडारमा देवी मान्नु पर्ने भनेकोले स्थानीय नजिकैको दारिगौड ओडारमा देवि मानेको र ओडारमा भनेकाले दारिगौड नामाकरण गरेको स्थानीय बताउछन । दारिगौड देवी लाई हरेक बर्ष पुजा गरे यस्ता  सबै समस्या अन्त्य हुने उनीहरू बताउँछन्  । करिब ७ पुस्ता अगाडिदेखी नै पुजा गर्दै आएको र अब हरेक वर्ष बैज्ञानिक तरिकाले पुजा गर्ने स्थानीय बाजे जयबहादुर श्याङ्बो बताउँछन ।

दारिगौड मेलाको अर्को विशेषता के छ भने पहिला देखि नै देवि दर्शन गर्न आउने भक्तजनहरुलाई प्रसादको रूपमा आफुले खाने जस्तैः खट्टे, बदाम, सुन्तला, सखरखण्ड, पिँडालु, तरुल, चिया, रक्सी आदि जस्ता खानेकुराहरु प्रसादको रूपमा दर्शनार्थीलाई दिने गरिन्छ । भक्तजन खुशी भए देवि उसै खुशी हुने स्थानीय काे मान्यता रहेको छ ।

स्थानीय आफुहरु थोरै घरले मात्र देवी पुजा गरेकोमा दुखी छैनन । स्थानीय १० घर मिलेर हरेक बर्ष भक्तजनहरुलाइ चियापान देखी प्रसाद गूठी पुजा गर्दा करिब १ घर लाई ५ हजार ले पनि नपुग्ने देखिन्छ। तर स्थानीय देवी को नाममा यत्ती खर्च हाम्रो लागि थोरै हो भन्ने  गर्छन  ।  उनीहरू भन्छन  देवीको नाममा जत्ती भागमा आउँछ खर्च गर्न हामी तयार छाैं । यति मात्र होइन स्थानीय आफै आफ्नो पैसा उठाएर मन्दिर बनाउन पनि तयार छन् । स्थानीय बाजे जयबहादुर तामाङ भन्छन्  ७ पुस्ता भन्दा पहिले देखि देवि लाई पुजा गर्दै आएको तर सरकारको पैसा भनेको अहिलेसम्म १ लाख ५० हजार भन्दा यो मन्दिरमा परेको छैन। पहिला पहिला स्थानीय पन्चेबाजा बजाएर जात्रा मनाउने गरेकोमा अहिले साउन्ड सिस्टम (DJ) को साथमा जात्रा मनाउने गरेको स्थानीय युवा पदम तामाङ बताउँछन् ।