इन्द्रावती नयाँपानीमा दाेहाेरिए आचार्य

२ कार्तिक

बाँडेगाँउ ।
इन्द्रावती नयाँपानी एकीकृत कृषि सहकारी संस्था लिमिटेड इन्द्रावती गाउँपालिका – ५ काे अध्यक्षमा पुनः माधव प्रसाद आचार्य चयन भएका छन् । आज भएको संस्थाको बिसाैं साधारणसभाले माधव प्रसाद आचार्यकाे अध्यक्षतामा ११ सदस्यीय सञ्चालक समिति र भरतप्रसाद तिमल्सिनाकाे संयाेजकत्वमा ३ सदस्यीय लेखा तथा सुपरिवेक्षण समिति निर्वाचित गरेको हाे ।

त्यसैगरी साधारणसभाले सञ्चालक समितिको उपाध्यक्षमा मुक्तिनाथ आचार्य, सचिवमा खेमराज आचार्य, सहसचिवमा सरिता गजुरेल, काेषाध्यक्षमा प्रभाकर कट्टेल र सदस्यहरुमा हरिशरण आचार्य, कमलनाथ सापकोटा, दलबहादुर थापा, प्रमिला आचार्य, कृष्णबहादुर नेपाली र लक्ष्मण भण्डारी एवम् लेखा तथा सुपरिवेक्षण समिति सदस्यहरुमा राजेन्द्रप्रसाद आचार्य र बिष्णुमणि नेपाललाई चयन गरेको छ ।

इन्द्रावती गाउँपालिका प्रवक्ता एवम् वडा नं ५ का वडा अध्यक्ष शशिनाथ आचार्यकाे प्रमुख आतिथ्यतामा सम्पन्न साधारणसभामा वार्षिक २ हजार लिटर भन्दा बढी दूध बिक्री गर्ने २६ जना कृषकहरुलाई नगद सम्मान सहित जेष्ठ शेयर सदस्यहरुलाई समेत सम्मान गरिएको थियोे ।कार्यक्रम संस्थाका अध्यक्ष माधवप्रसाद आचार्यकाे अध्यक्षता र व्यवस्थापक उमाकान्त आचार्यकाे सञ्चालनमा सम्पन्न भएको थियोे ।