ब्रम्हायणी स्कुलको वार्षिकोत्सब सम्पन्न

१२ फाल्गुन
जलबिरे ।
ब्रम्हायणी इङलिस स्कुल जलबिरेकाे १६ ओैं वार्षिकोत्सब तथा अभिभावक दिवस आज सम्पन्न भएको छ । बलेफी गाउँपालिका वडा नं १ का वडा अध्यक्ष हुपबहादुर खड्काकाे प्रमुख आतिथ्यतामा सम्पन्न कार्यक्रममा बिद्यालयका नानी बाबुहरुकाे बिबिध साँस्कृतिक कार्यक्रम प्रस्तुत गरिएको थियो ।

निजी तथा आवासीय बिद्यालय अर्गनाइजेसन नेपाल (प्याब्सन) सिन्धुपाल्चोकका उपाध्यक्ष दिनेश बस्नेत, सचिव बुद्धिप्रसाद आचार्य, काेषाध्यक्ष मदनकुमार सापकोटा, जनप्रतिनिधिहरु, स्थानीय संघ संस्थाका प्रतिनिधि लगायतको उपस्थिति रहेको कार्यक्रममा बिद्यालय सञ्चालक समितिका अध्यक्ष राजु श्रेष्ठले स्कुलकाे वार्षिक प्रगति प्रतिवेदन प्रस्तुत गरेका थिए ।

स्कुलका सञ्चालक राम खड्काकाे सहजीकरण र प्रिन्सिपल दिनेश गाेलेकाे सञ्चालनमा सम्पन्न कार्यक्रमलाई सम्बाेधन गर्दै प्रमुख अतिथि हुपबहादुर खड्का र बिशेश अतिथि प्याब्सन सिन्धुपाल्चोकका सचिव बुद्धिप्रसाद आचार्यले शिक्षा क्षेत्रमा संस्थागत बिद्यालयले गरेको याेगदानका बारेमा चर्चा गरेका थिए ।