सिन्धु प्याब्सनद्वारा पुर्व प्राथमिक तहका शिक्षकलाई तालिम

२८ माघ
निजी तथा आवासीय बिद्यालय अर्गनाइजेसन नेपाल (प्याब्सन) सिन्धुपाल्चोकले एभरेस्ट पब्लिकेसनसंगकाे सहकार्यमा जिल्लामा प्याब्सनसंग आबद्ध बिद्यालयका पुर्व प्राथमिक तहका शिक्षक / शिक्षिकाहरुलाई एकदिवसीय आधारभूत तालिम सञ्चालन गरेको छ  ।  मुख्यत आधारभूत तहका बिद्यालय लक्षित साे तालिम कार्यक्रम काभ्रेको जिराेकिलाे स्थित सिन्धु मिलन हाेटलमा सञ्चालन भएको थियोे ।

तालिम कार्यक्रममा सिन्धुपाल्चोक जिल्लाका नाै वटा संस्थागत बिद्यालयका ४५ जना पुर्व प्राथमिक तहका शिक्षक / शिक्षिकाहरुकाे सहभागिता रहेको थियोे । प्याब्सन सिन्धुपाल्चोकका उपाध्यक्ष दिनेश बस्नेतकाे अध्यक्षतामा सम्पन्न कार्यक्रममा चाैतारा साँगाचाेकगढी नगरपालिकाका प्रशासन शाखा प्रमुख शंकर दाहाल, प्याब्सन सिन्धुपाल्चोकका पुर्व अध्यक्ष एवम् चाैतारा साँगाचाेकगढी नगरपालिका शिक्षा शाखाका अधिकृत गाेपाल खड्का लगायतले शुभकामना प्रदान गर्नुभएको थियाे । प्याब्सन सिन्धुपाल्चोकका काेषाध्यक्ष मदनकुमार सापकोटा, सहसचिव कञ्चन लामा, सहभागी बिद्यालयका सबै प्रिन्सिपलहरुकाे उपस्थिति रहेको तालिम कार्यक्रमकाे सहजीकरण सहजकर्ता प्रतिमा लामाले गर्नुभएको थियोे ।