बुद्ध शिक्षा र शिक्षक बुद्ध बिषयमा सेमिनार हुने

चरिकोट , दाेलखा ।

दोलखा जिल्लाको भिमेश्वर नगरपालिका भित्रका शिक्षकहरुका लागि बुद्ध शिक्षाका बारेमा एक दिवसिय सेमिनार हुने भएको छ ।
असार ९ गते शनिबार दोलखाको भिमेश्वर नगरपालिका, दोलखा बजारमा अवस्थित पद्मवर्ण बुद्ध महाविहारमा आयोजना हुने सेमिनार बिहान १० बजेदेखि साँझ ५ बजे सम्म संचालन हुने छ ।
सुखी समाजको चाहनाः बुद्ध शिक्षाको अवधारणा भन्ने मुल मन्त्रका साथ आयोजना हुने “बुद्ध शिक्षा र शिक्षक बुद्ध” विषयक सो सेमिनार बुद्धशिक्षालाई विद्यालय तहदेखिनै कसरी अनुशरण गर्न गराउन सकिन्छ भन्ने विषयमा केन्द्रित हुने छ ।
यस सेमिनारमा महेन्द्रकुमार शाक्य, डा.सुनिल मास्के, ईन्द्र बहादुर खड्का, तिर्थ बहादुर जोशी, भगवानदाश श्रेष्ठ र प्रेमकुमार शाक्य लगायतका बुद्धशिक्षाका अध्ययाता व्यक्तित्वहरुद्धारा बुद्धशिक्षाका बहुआयामिक पक्षमा प्रशिक्षण तथा विपाश्यना, ज्ञान र ध्यानको अध्यास समेत हुने छ ।
बुद्धशिक्षालाई प्रभावकारीरुपमा फैलाउन क्रियाशिल डा. सुनिल मास्केले यस प्रकारका सेमिनार नियमित रुपमा विभिन्न पालिका र जिल्लाहरुमा आयोजना गर्दै जाने लक्ष्य रहेको बताउनु भयो ।
यस सेमिनारबाट भिमेश्वर नगरपालिका भित्रका शिक्षक शिक्षिकाहरु मार्फत विद्यार्थीहरुमा बुद्धशिक्षाको आवश्यकता र महत्व बुझाउन सहयोग पुग्ने अपेक्षा राखिएको छ भने यसमा सहभागिताका लागि शिक्षक शिक्षिकाहरुलाई आह्वान समेत गरिएको छ ।