सिन्धुपाल्चोक १ मा संयुक्त कार्यक्रममा ब्यस्त गठबन्धन

चौतारा, ८ कार्तिक
लोकतान्त्रिक वाम गठबन्धन आवद्ध दलहरुले आज बलेफी गाउँपालिकाको बलेफी बजार र जुगल गाउँपालिकाको ढाँडेमा संयुक्त कार्यक्रम आयोजना गरेका छन् ।
विहान ९ बजे बलेफी गाउँपालिकाको बलेफी बजारमा र मध्यान्ह जुगल गाउँपालिकाको ढाँडेमा संयुक्त बैठक एवं शुभकामना आदान प्रदान कार्यक्रम आयोजना गरिएको माओवादी केन्द्रीय सदस्य एवं बागमती प्रदेश समानुपातिक उम्मेदवार अमृता नेपाल प्रभाले जानकारी दिनु भयो ।
गठबन्धनले तिहार लगत्तै कात्तिक १२ गते विहान सुनकोसी गाउँपालिकामा र दिउँसो लिसंखु पाखरमा संयुक्त कार्यक्रम राखेका छन् । कात्तिक १३ गते काठमाडौंमा सिन्धु–काठमाडौं सम्पर्क समितिको आयोजनामा प्रज्ञा भवन कमलादीमा संयुक्त बैठक आयोजना गरिएको छ ।                                         
यस्तै १४ गते बाह्रविसे, भोटेकोसी र त्रिपुरासुन्दरीको बाह्रविसेमा संयुक्त बैठक राखिएको नेतृ नेपालले बताउनु भयो । सबै कार्यक्रममा लोकतान्त्रिक वाम गठबन्धनका साझा उम्मेदवारहरु सहभागी हुने छन् । लोकतान्त्रिक वाम गठबन्धन आवद्ध दलहरुले संविधानको रक्षा, स्थितरता र समृद्धिका लागि गठबन्धनको मुल नाराको व्यानरमा संयुक्त कार्यक्रमहरु गर्दै आइरहेका छन् ।