शनिबार सयौं युवालाई पार्टी प्रवेश गराउदै राप्रपा

मुख्य समाचार

रमेश आचार्य

August 11, 2022 मा प्रकाशित (३ साल अघि)

अनुमानित पढ्ने समय : ६ मिनेट

काठमाडौं । राष्ट्रिय प्रजातन्त्र पार्टी (राप्रपा) ले शनिवार काठमाडौं स्थित गौशालामा बृहत् भेला एवं पार्टी प्रवेश कार्यक्रमको आयोजना गर्ने भएको छ । पार्टीको अध्यक्षता राजेन्द्र लिङ्देनले गरेसँगै बढेको पार्टीको लोकप्रियतालाई थप उचाइमा पुर्‍याउन कार्यक्रमको आयोजना गरिएको आयोजक राप्रपा काठमाडौं (वडा नं ९) इकाई कटिमिले जनाएको छ ।

कार्यक्रमको प्रमुख अतिथिमा पार्टी अध्यक्ष राजेन्द्र लिङ्देन, विशिष्ट अतिथिमा पार्टीका पूर्व अध्यक्षद्वय पशुपति शमशेर जबरा र प्रकाशचन्द्र लोहनी, पूर्व गृहमन्त्री बुद्धिमान तामाङका साथै पार्टीकी महामन्त्री कुन्ती कुमारी शाही रहने छन् । उक्त कार्यक्रममा सयौँको संख्यामा युवाहरूलाई राप्रपा प्रवेश गराइने आयोजकले जनाएको छ ।

कार्यक्रम गौशाला स्थित स्वच्छन्द पार्टी प्यालेसमा शनिवार बिहान ९ बजे देखी हुने बताइएको छ ।