काँग्रेस उपसभापति दोर्जे लामा पत्थर फुटाएर निस्केको ज्वालाजस्तै

नयाँपानी खबर
राजनीति आफैमा कठिन काम हो । संसारको राजनीतिलाई हेर्ने हो भने शासन सत्ता हत्याउन बाउछोरा र दाजुभाइबीच नै विभिन्न हत्या र नरसंहारका घटना भएको इतिहास साँक्षी छन् ।
नेपालको राजनीतिक इतिहासमा पनि यस्ता श्रृङ्खला थुप्रै घटेका छन् । लोकतन्त्र, प्रजातन्त्र र गणतन्त्रका लागि लडेका पार्टीबीच परम्परागत हत्या र नरसंहारका घटना त छैनन् । तर, यहाँभित्र पनि व्यक्तिगत जुँगाको लडाइँ, अन्तर्संघर्ष र दुईलाइन संघर्ष भने जारी रहेका छन् । राजनीतिक पार्टी र तिनका नेताबीच यस्ता संघर्ष अनिवार्य र जीवन्त पनि हुने गर्छ ।
यस्तै एउटा राजनीतिक संघर्षका उदाहरण हुन् सिन्धु काँग्रेसका नवनिर्वाचित उपसभापति दोर्जे लामा । तीन दशकभन्दा लामो राजनीतिक इतिहासमा लामाले सधैँ आन्तरिक संघर्ष ब्यहोर्नुप¥यो । गरिब लेकाली किसान परिवारबाट राजनीतिमा आएका लामाले लगानशील भएर मिहिनेत ग¥यो भने सबै क्षेत्रमा सफल हुन सकिन्छ भन्ने प्रमाण पेश गरेका छन् । नेपाल तरुण दल सिन्धुपाल्चोकका अध्यक्षसमेत रहेका नेता लामा पत्थर फुटाएर निस्केको ज्वालाजस्तै हुन् चट्टानबीच फूलेको फूलझैं पनि ।
पार्टीभित्र उनले ठूल्ठूला दुईलाइन संघर्ष गर्नुप¥यो । त्यतिमात्रै होइन पार्टी केन्द्रीय सदस्य तथा पूर्वमन्त्री मोहनबहादुर बस्नेतसँग पटकपटक इगोको लडाइँ पनि ब्यहोर्नुप¥यो । सानैदेखि विद्रोही स्वभावका लामा कसैसँग डराउँदैनन् । प्रष्ट धारणा राख्ने र अन्यायविरुद्ध लड्ने तरिका छ । महाधिवेशन प्रतिनिधि निर्वाचित हुँदा त्यस्तै संघर्ष गर्नुप¥यो । संस्थापन र कोइराला टिमका आ–आफ्नै प्यानल थियो । दोर्जे लामा संस्थापन पक्षका हुन् । केन्द्रीय सदस्य बस्नेत संस्थापन पक्षका बलिया नेता हुन् । बस्नेतले लामालाई पराजित गर्न धेरै हत्कण्डा अपनाए । तर, पत्थर फुटाएर आएको ज्वालामुखीझैं लामा शानदार ढंगले राजनीतिमा उदाए । उनलाई पराजित गर्न पार्टीभित्रका विपरीत गुटले अनर्गल प्रचार गरेको थियो । परन्तु, लामाले पार्टीभित्र मात्रै होइन सिन्धु राजनीतिमा सबैसँग हातेमालो गरेको र युवा पंक्तिलाई सक्दो सहयोग पु¥याएकोले सबैको रोजाइमा उनी परे । हालै सम्पन्न जिल्ला अधिवेशनमा पनि चट्टान फोडेर निस्केको विरुवाझैं उनी उपसभापतिमा शानदार ढंगले विजयी भएका छन् । भोटेकोसी गाउँपालिकामा निजी रकमले पुल निर्माण, भूकम्प, बाढीपहिरो र कोरोना महामारीमा दिनरात नभनी उद्धार र राहतमा जुटेकोले पनि उनको मूल्यांकन उनका नेता, कार्यकर्ता र शुभचिन्तकले मात्रै होइन सिंगो जिल्लाले राम्रोसँग ग¥यो । पार्टीभित्र उनलाई कुनै मूल्यमा पनि स्पेश नदिने रणनीति फेल भयो । पार्टीभित्रको आन्तरिक चुनावमात्रै होइन बाह्य चुनावहरुमा पनि उनले पराजय व्यहोर्नुपरेको छैन । मानवीय काम, विपत्ति र राजनीतिक अभियानमा अग्रपंक्तिमा रहेर काम गरेको उनको अनुभव छ ।