इन्द्रावतीमा पनि टुंगियो माओवादी केन्द्रकाे पदाधिकारी

नेकपा (माओवादी केन्द्र) इन्द्रावती गाउँपालिकाकाे पहिलो पुर्ण बैठकले पदाधिकारी लगायत विभिन्न बिभाग र शुभेच्छुक संगठनकाे नेतृत्व सर्वसम्मतरुपमा चयन गरेको छ । गत मंसिर ११ गते उद्घाटन सत्र सकेर पदाधिकारी बिहिन ५५ सदस्यीय पालिका कमिटी चयन गरी अधिवेशन सम्पन्न गरिएको थियो । आज इन्द्रावती -८ ज्यामिरेमानेमा पार्टीका केन्द्रीय सदस्य एवम् प्रदेश सांसद युवराज दुलाल , जिल्ला संयाेजक गाेबिन्द पराजुली , प्रदेश कमिटी सदस्य चिरञ्जीवी आचार्य लगायतका नेताहरूकाे उपस्थितिमा सम्पन्न पालिका कमिटीको पुर्ण बैठकले अध्यक्षमा नुनबहादुर सापकोटा – मनाेजलाई सर्वसम्मत चयन गरेको छ                                               

त्यसैगरी ३ जना उपाध्यक्ष मध्ये एकजना पछि पदपूर्ति गर्नेगरी हाल तिलक राेक्का र सञ्चमाया तामाङलाई उपाध्यक्षकाे जिम्मेवारी दिएको छ भने सचिवमा दिपक न्याैपाने, सहसचिवमा सन्ताेष दंगाल र काेषाध्यक्षमा आशिष् लामा चुनिएका छन । त्यस्तै अनुशासन समिति अध्यक्षमा रबिन्द्र खाति, लेखा समिति अध्यक्षमा बुद्धिप्रसाद आचार्य र निर्वाचन समिति अध्यक्षमा जागेन्द्रप्रसाद भेटुवाललाई जिम्मेवारी ताेकिएकाे छ । साथै बैठकले पालिका स्तरीय जेष्ठ कम्युनिस्ट मञ्च , सल्लाहकार समिति , सचिवालय र वडा इन्चार्जहरु समेत सर्वसम्मत चयन गरेको छ ।