जुगलमा भेटिए प्रख्यात चलचित्रकर्मी तुलसी घिमिरे

चाैतारा ।
चर्चित अभिनेता तथा निर्देशक तुलसी घिमिरे सुटुक्क सिन्धुपाल्चोककाे सदरमुकाम चाैतारामा देखा परेका छन । सन्दर्भ जुगल बाेर्डीङ हाइस्कुल चाैताराकाे बत्तिसाैं वार्षिकोत्सब तथा अभिभावक भेला थियो । बिद्यालयले आफ्नो वार्षिकोत्सबमा विशिष्ट पाहुनाको रुपमा घिमिरेलाई आमन्त्रण गरेको रहेछ । भारतकाे कालिम्पाेङमा जन्मिएका घिमिरेले नेपाली रजतपटमा दिएको याेगदानलाई बिर्सने हाे भने नेपाली सिनेजगतकाे इतिहास सधैं अपुराे नै रहन्छ । दर्पण छाँया लगायतका दर्जनौं सफल फिल्मकाे निर्देशन गरेका घिमिरे एक कुशल अभिनेता पनि हुन ।

उनै बिशिस्ट पाहुनाकाे उपस्थितिमा आज बिहीबार आफ्नै स्कुल प्रांगणमा जुगल हाई स्कुलले बत्तिसाैं वार्षिकोत्सब सम्पन्न गरेको छ । कार्यक्रममा प्रमुख अतिथि चाैतारा साँगाचाेकगढी नगरपालिकाका मेयर अमानसिं तामाङ , निजी तथा आवासीय बिद्यालय अर्गनाइजेसन नेपाल (प्याब्सन) का केन्द्रीय सदस्य कर्मबांगेल लामा, बागमती प्रदेशका सहसचिव ऋषिराम नेपाल , जिल्ला अध्यक्ष दुर्गा थापा , चाैतारा साँगाचाेकगढी नगरपालिका वडा नं ५ का वडा अध्यक्ष नरमान श्रेष्ठ , जिल्लाका अधिकांश पत्रकार , साहित्यकार , बैंक तथा वित्तीय संस्थाका प्रमुख लगायतको उपस्थिती रहेको थियोे ।     

बिद्यालयले हरेक वर्ष झै यस वर्ष पनि समाजलाई बिशिस्ट याेगदान गरेका व्यक्ति र संस्थालाई जुगल सम्मानबाट सम्मान गरेको छ । बिद्यालयले यस वर्षको जुगल शिक्षा सम्मानद्वारा सिन्धुपाल्चोकमा लामो समयदेखि निरन्तर शिक्षा क्षेत्रमा सेवा दिनुभएका नगेन्द्र प्रसाद दंगाललाई सम्मानित गरेको छ । त्यस्तै यस वर्षको जुगल साहित्य सम्मानबाट बिशिस्ट साहित्यिक अभियानकाे श्रृङखला लिएर अघि बढेको संस्था “शब्द सारथी” सम्मानित भएकाे छ भने जुगल वारिधि सम्मानबाट उनै नेपाली सिने जगतका लाैह पुरुष तुलसी घिमिरे सम्मानित भएका छन ।                                               

प्याब्सनका केन्द्रीय नेता एवम् साेहि विद्यालयका विद्यालय व्यवस्थापन समितिका अध्यक्ष आर.बि. कटुवालकाे सभापतित्वमा सम्पन्न समारोहमा विद्यार्थीहरुका बिबिध साँस्कृतिक प्रस्तुति एवम् नृत्यहरु प्रस्तुत गरिएको थियोे । साे अवसरमा विद्यालयका प्रिन्सिपल ओमप्रकाश उप्रेतीले काेराेना महामारीको कारण गतवर्षकाे जुगल सम्मान प्रदान लगायतका कार्यक्रम सम्पन्न गर्न नसकेको जानकारी दिए ।