बिगत छ महिनादेखि इन्द्रावतीमा एम्बुलेन्स चालक छैन, गैरजिम्मेवार पालिका बिरुद्ध नागरिक आन्दोलनमा

नवलपुर, इन्द्रावती ।
सिन्धुपाल्चोक जिल्लाकाे इन्द्रावती गाउँपालिकामा बिगत छ महिनादेखि एम्बुलेन्स चालक छैन। पुरानो एम्बुलेन्स चालकलाई नयाँ स्थानीय सरकार आएपछि बर्खास्त गरियाे तर आज सम्म नयाँ चालक नियुक्त गर्न पालिका असक्षम बनेको छ । एउटा एम्बुलेन्स चालक समेत नियुक्त गर्न नसक्ने लाचार पालिका बिरुद्ध आज इन्द्रावतीका नागरिक आन्दोलनमा उत्रिएका छन् ।

आज इन्द्रावती गाउँपालिकाकाे वडा नं ५ मा एकाबिहानै ज्यानै जानेगरिकाे घटना घट्यो । आफ्नै आमाद्वारा छाेरा माथि खुकुरी प्रहार भई ४० बर्षिय रमेश भुजेल मरणासन्न अवस्थामा पुगे । उनलाई अस्पताल लैजान एम्बुलेन्सकाे खाेजी गरियो । गाउँपालिकामा एम्बुलेन्स छ तर चालक छैन । बिगत छ महिनामा यस्ता थुप्रै घटना घटिसके तर गाउँपालिका यस्तो समवेदनशील बिषयमा पनि राजनीति गरेर बसिरहेको छ ।

आज इन्द्रावतीका नागरिक गाउँपालिका कार्यालयमा अध्यक्ष झम्कनाथ नेपाल बिरुद्ध नाराबाजी गर्दै आन्दोलनमा उत्रिएका छन । गाउँपालिका अध्यक्ष कार्यालयमा उपस्थित छैनन् । आन्दोलनकारी अध्यक्ष बाहेक अरुसंग वार्ता नगर्ने पक्षमा छन् ।