गठबन्धनले सक्यो इन्द्रावतीका चार वडामा घरदैलो, नेताहरू भन्छन् हाम्रो हल मिल्यो बिकास र समृद्धिमा जाेत्नुस ।

१५ कार्तिक , इन्द्रावती ।
गठबन्धन दलका उम्मेदवार सहितका नेताहरूले इन्द्रावती गाउँपालिकाका चार वटा वडाहरुकाे घरदैलो कार्यक्रम सकाएका छन् । आज बिहान वडा नं १ सिम्पालकाभ्रे बाट शुरु भएको घरदैलो कार्यक्रम वडा नं २ र ३ कुञ्चाेक हुदै बेलुकी वडा नं ४ नवलपुर आएर सम्पन्न भएको हाे ।                                                                                          घरदैलो कार्यक्रममा प्रतिनिधि सभा क्षेत्र नं २ का उम्मेदवार माेहन बहादुर बस्नेत , प्रदेश सभा उम्मेदवार युवराज दुलाल शरद , नेकपा (एकीकृत समाजवादी) कि केन्द्रीय सदस्य एवम् समानुपातिक उम्मेदवार भगवती नेपाल, नेपाली कांग्रेसका पुर्व केन्द्रीय सदस्य बिष्णु बिक्रम थापा, नेपाली कांग्रेसका जिल्ला सभापति जंग बहादुर तामाङ, माओवादी केन्द्रका जिल्ला संयाेजक गाेबिन्द पराजुली , कांग्रेस नेताहरू बंशलाल तामाङ , बिकास लामा लगायतका नेताका साथमा सयौं समर्थक शुभेच्छुकहरुकाे उपस्थिति रहेको थियो ।                             

घरदैलो र काेणसभाका क्रममा प्रतिनिधि सभा २ का उम्मेदवार माेहन बहादुर बस्नेत र प्रदेश सभा क का उम्मेदवार युवराज दुलालले बल्ल आफूले हल मिल्ने नेता पाएकाे र अब जिल्लाकाे समृद्धिमा जाेतिन तयार रहेको बताएका छन् । एकले अर्काकाे प्रसंशा गर्दै नेता द्वयले भने ‘गठबन्धन मात्र मिलेकाे हैन जनताकाे काम गर्ने सवालमा हाम्रो गति पनि मिल्ने भएकाले याे ठाउँकाे विकासले फड्काे मार्छ ।                                     

गठबन्धनले नवलपुरमा आयाेजना गरेकाे काेणसभा कार्यक्रममा बाेल्दै प्रदेश सभा क का उमेदवार युवराज दुलालले आफुहरु जनताकाे सेवक भएकाले आफुलाइ जनसेवामा जाेत्न मतादातालाइ आग्रह गरे । बिगतमा पनि आफू नजसेवामा समर्पित हुँदै आएकाे बताउँदै नेता दुलालले पुन:५ बर्ष जनताकाे काममा जाेतिन चाहेकाे बताए ।