नेकपाका उम्मेदवार सापकोटा र दुलालको पाँच वर्षे विकास लक्ष्य सार्वजनिक

सिन्धुपाल्चोक । सिन्धुपाल्चोकमा प्रतिनिधिसभा निर्वाचनको माहोल तातिँदै जाँदा नेकपाका उम्मेदवारहरू सार्वजनिक प्रतिबद्धतासहित मतदातामाझ उत्रिएका छन्। क्षेत्र नं. १ का माधव सापकोटा र क्षेत्र नं. २ का युवराज दुलालले चौतारामा पत्रकार सम्मेलन गरी आफ्नो चुनावी प्रतिवद्धतापत्र सार्वजनिक गरेका हुन्।

उनीहरूले जिल्लाको दिगो पूर्वाधार विकास, कृषि आधुनिकीकरण, रोजगारी सिर्जना, शिक्षा–स्वास्थ्य सुधार र सुशासनलाई मुख्य प्राथमिकतामा राखेको बताएका छन्। आगामी पाँच वर्षभित्र ठोस परिणाम दिने लक्ष्यसहित नीतिगत सुधार र युवामैत्री कार्यक्रम अघि बढाउने प्रतिबद्धता व्यक्त गरिएको छ।

सार्वजनिक गरिएको प्रतिवद्धतापत्र मुख्य निर्वाचन अधिकृतको कार्यालयमा समेत बुझाइएको छ। पारदर्शी र विधिसम्मत निर्वाचन प्रक्रियामा सहयोग गर्ने प्रतिबद्धतासँगै उम्मेदवारहरूले घरदैलो कार्यक्रमलाई तीव्रता दिने बताएका छन्।