सामुदायिक क्याम्पसहरुको दायित्व राज्यले लिनुपर्छ : पूर्व मन्त्री दुलाल

असाेज २६

नवलपुर ।

बागमती प्रदेशका पूर्वमन्त्री युवराज दुलालले सामुदायिक क्याम्पसहरुको राज्यले दायित्व लिनुपर्ने बताएका छन् । अभयानन्द शिक्षा क्याम्पस को १३ औं स्थापना दिवस एवं १२ औं क्याम्पस सभाका प्रमुख अतिथि रहनुभएका दुलालले आफ्नो भनाइ राख्दै ग्रामीण इलाकामा क्याम्पस सञ्चालन हुनु एकदमै गौरवको विषय भएको संघीय र प्रदेश सरकारले सामुदायिक क्याम्पसहरुमा लगानी गर्नुपर्ने दुलालकाे भनाइ थियो । अध्ययनका लागि विदेश जाने परिपाटी बढेकोमा चिन्ता व्यक्त गर्दै देशमा सुशासन नभएका कारण आन्दोलन भएको उनाकाे धारणा छ ।

क्याम्पसहरू मर्जरमा लान सकेमा स्रोतहरू बढ्दै जाने र यसरी अघि बढ्न नसके अस्तित्व समेत हराउन सक्ने चिन्ता व्यक्त गर्नुभयो । आगामी दिनमा पनि सक्दो सहयोग गरेर जाने प्रतिबद्धता जनाउँदै राम्रो कुरामा प्रतिस्पर्धा गरेर अघि बढ्नु पर्ने उहाँको धारणा थियो ।

कार्यक्रममा क्याम्पसको वार्षिक प्रगति प्रतिवेदन क्याम्पस प्रमुख कविराज पौडेलले प्रस्तुत गर्नुभएको थियो । उहाँले क्याम्पसको आर्थिक अवस्था अवसर चुनौती र सम्भावनाको बारेमा आफ्नो भनाइ समेत उहाँले राख्नुभएको थियो । उक्त अवसरमा हालसम्म ११३ जना क्याम्पसका आजीवन सदस्यहरू रहेको जानकारी गराइएको थियो ।

कार्यक्रममा बागमती प्रदेशका पूर्वमन्त्री युवराज दुलाल, इन्द्रावती गाउँपालिकाका अध्यक्ष झम्कानाथ नेपाल, उपाध्यक्ष सोभना तामाङ, प्रवक्ता शशिनाथ आचार्य, राजनीतिक दलका प्रतिनिधिहरू अन्य क्याम्पसका प्रमुख तथा सञ्चालक समितिका पदाधिकारी लगायतको उपस्थिति रहेको थियो ।