इन्द्रावतीका ६ जना वडा सचिवहरु भाेलीबाट वडा कार्यालय नजाने

२९ माघ

नवलपुर
सिन्धुपाल्चोक ।
इन्द्रावती गाउँपालिकाका ६ जना वडा सचिव भाेली फागुन १ गतेबाट वडा कार्यालयमा अनुपस्थित हुने भएका छन् । बिगत झण्डै ३ दशकदेखि साविकका गाबिसमा प्राविधिक सहायक हुँदै राज्य पुन संरचना पछि वडा सचिवकाे जिम्मेवारी पाएका करार सेवाका ६ जना वडा सचिवहरुले आज गाउँपालिका कार्यालयमा ज्ञापनपत्र बुझाउदै साे घाेषणा गरेका हुन् । यसरी ज्ञापनपत्र बुझाउनेमा वडा नं १ का वडा सचिव गाेपाल तामाङ, वडा नं २ का कृष्णबहादुर गिरी, वडा नं ५ का दिपक अधिकारी, वडा नं ७ का सुकुन खड्का, वडा नं ८ का गाेपीकृष्ण न्याैपाने र वडा नं ९ का तिलक प्रसाद काेइराला रहेका छन् ।

बिगत झण्डै ३ दशक देखि जनयुद्ध, जनप्रतिनिधि बिहिन अवस्था, भुकम्प, काेराेना लगायतका विषम परिस्थितिमा समेत आफ्नो ज्यानको बाजि थापेर नागरिकको सेवामा तल्लीन रहेको भुमिकालाई बेवास्ता गर्दै स्थानीय सरकारले जिन्दगीको उतरार्धमा रित्तो हात घर फर्कन बाध्य पार्न लागेको दुखेसो उनीहरुको छ । जिन्दगीको उर्वर समय अनेकौं कठिनाइ भाेग्दै जनताको सेवामा बिताएका राष्ट्रसेवक कर्मचारीलाई काम गरेको अवधिकाे एक बर्ष बराबर १ महिनाकाे तलब उपदान स्वरुप प्रदान गरेर मात्रै बिदा गर्नुपर्ने एक सुत्रिय माग उनीहरुले राखेका छन् । अन्यथा भाेलीबाट वडा कार्यालयमा उपस्थित नभई गाउँपालिका कार्यालयमै शान्तिपूर्ण धर्ना देखि आमरण अनसनसम्म गर्ने उनीहरुले चेतावनी दिएका छन् ।

वडा सचिवहरुले गाउँपालिका अध्यक्ष झम्कनाथ नेपाल कार्यालय बाहिर रहेका कारण उपाध्यक्ष साेभना तामाङ र प्रमुख प्रशासकीय अधिकृत पुर्ण प्रसाद दुलाललाई संयुक्तरूपमा आज साे ज्ञापन हस्तान्तरण गरेका छन् । ज्ञापनपत्र हस्तान्तरण कार्यक्रममा नेपाली कांग्रेसका निवर्तमान पालिका अध्यक्ष फुर्वा तामाङ, नेकपा (माओवादी केन्द्र) का पालिका अध्यक्ष मानबहादुर श्रेष्ठ, वडा नं ४ का वडा अध्यक्ष क्षेत्रबहादुर तामाङ, नेकपा (एमाले) का केही स्थानीय कार्यकर्ता, पत्रकार र केही कर्मचारीहरु समेतको उपस्थिति रहेको थियोे ।
ज्ञापनपत्रकाे पुर्ण पाठ –