एमाले इन्द्रावतीद्वारा शुभकामना आदानप्रदान, अन्तरक्रिया तथा सम्मान कार्यक्रम

२ बैशाख, नवलपुर,

सिन्धुपाल्चोक ।
नेकपा (एमाले) इन्द्रावती गाउँपालिका कमिटीले आज नयाँ वर्ष २०८० काे सन्दर्भमा शुभकामना आदानप्रदान, समाजमा बिशिस्ट याेगदान गरेका व्यक्तिहरुकाे सम्मान तथा समृद्ध इन्द्रावती र नागरिकको अपेक्षा बिषयक अन्तरक्रिया कार्यक्रम गरेको छ । इन्द्रावती गाउँपालिकाकाे सभाहलमा सम्पन्न साे कार्यक्रममा विभिन्न राजनीतिक दलका नेता, कार्यकर्ता र सर्वसाधारणको उपस्थिति रहेको थियोे ।

एमाले स्थायी समिति सदस्य तथा बिदेश बिभाग प्रमुख डा. राजन भट्टराईकाे प्रमुख आतिथ्यतामा सम्पन्न कार्यक्रममा नेपाली कांग्रेसका पुर्व केन्द्रीय सदस्य तथा पुर्वमन्त्री बिष्णुबिक्रम थापा, एमाले केन्द्रीय सदस्य तथा चाँगुनारायण नगरपालिकाका पुर्व मेयर साेम मिश्र, नेपाल रेडक्रस साेसाइटीका जिल्ला अध्यक्ष राजेन्द्रमान ताल्चाभडेल, इन्द्रावती गाउँपालिका अध्यक्ष झम्कनाथ नेपाल, नेपाली कांग्रेसका महासमिति सदस्य तथा इन्द्रावती गाउँपालिकाका निवर्तमान अध्यक्ष बंशलाल तामाङ लगायतका व्यक्तित्वहरुकाे उपस्थिति रहेको थियोे ।

कार्यक्रममा देश र समाजका लागि विभिन्न बिधामा याेगदान गरेवापत प्राध्यापक कपिल श्रेष्ठ, साहित्यकार जगन्नाथ आचार्य, वास्तुशास्त्री डा. उत्तम उपाध्याय न्याैपाने, पाँचपाेखरी क्याम्पसका क्याम्पस प्रमुख डा. नवराज न्याैपाने, बुद्ध धर्मका गुरु कर्मा छिरिङ तथा सामाजिक व्यक्तित्वहरु गाेबिन्द मिश्र, रामबहादुर सुनार, सुब्बा माझी, सञ्चमाया तामाङ, नमुना तामाङ, सन्तबहादुर दनुवार लगायतका व्यक्तिहरुलाई सम्मानित गरिएको थियोे ।

नेकपा (एमाले) का पालिका कमिटी सचिव रामशरण गिरीकाे सञ्चालन र अध्यक्ष शशिनाथ आचार्यकाे सभापतित्वमा सञ्चालित कार्यक्रममा नेकपा (माओवादी केन्द्र) का नेता रबिन्द्र खाति, नेपाली कांग्रेस पालिका सभापति जिवनकुमार थापामगर, एमाले पालिका कमिटी इन्चार्ज डबले लामा लगायतले शुभकामना मन्तब्य राखेका थिए ।