सिन्धुपाल्चोकका जनप्रतिनिधिहरूबीच विकासका साझा एजेन्डामा छलफल

काठमाडौ । सिन्धुपाल्चोक जिल्लाको समग्र विकास र जनसेवामा प्रभावकारिता बढाउने उद्देश्यले बागमती प्रदेशसभाका सिन्धुपाल्चोकबाट निर्वाचित जनप्रतिनिधिहरूबीच आपसी समन्वय र छलफल भएको छ।

भेटघाटमा सहभागी जनप्रतिनिधिहरूले जिल्लाको आवश्यकता र सम्भावनालाई मध्यनजर गर्दै साझा योजना र दीर्घकालीन दृष्टिकोणका साथ अघि बढ्ने सहमति जनाए। उनीहरूका अनुसार, प्रदेश र स्थानीय तहबीचको सहकार्यले मात्र विकासका कामहरू प्रभावकारी रूपमा अघि बढ्न सक्छ।

भेटघाट कार्यक्रममा प्रदेश सांसदहरु युवराज दुलाल, सरल सहयात्री पौडेल, कुमारी तामाङ, अमृता नेपाल र माइली तामाङ सहभागी भएका थिए ।

भेटघाटले सिन्धुपाल्चोक जिल्लाको विकासका लागि नयाँ उत्साह र एकताको वातावरण सृजना गरेको सहभागीहरूले बताएका छन्। उनीहरूका अनुसार, साझा प्रयास र नीतिगत समन्वयका माध्यमबाट जिल्लालाई समृद्धिको बाटोमा अघि बढाउन सकिने विश्वास व्यक्त गरिएको छ।