गुणस्तरीय शिक्षाको लागि सबै पक्ष मिल्न जरुरी छ : मन्त्री तामाङ

नवलपुर ।

बागमती प्रदेशका खानेपानि उर्जा तथा सिंचाई मन्त्री माननीय कृष्णकुमार तामाङले गुणस्तरीय शिक्षाको लागि विद्यालयमा दक्ष शिक्षकको, कुशल व्यावस्थापन समिति, अनुसासीत विद्यार्थी, जागरूक अभिभावक र संस्कारयुक्त शिक्षा आवश्यक हुने बताए । शुक्रबार ईन्द्रावति २ मा रहेको महेन्द्र माध्यमिक विद्यालयको को ६६ औं बार्षिकोत्सव अवसरमा आफ्नो मन्तब्य राख्दै मन्त्री तामाङले भौतिक संरचनाको ब्यवस्थापन भइसकेका बिद्यालयहरुले अब गुणस्तरीय शिक्षा प्रदान गर्नमा ध्यान दिनुपर्ने भनाई राखे ।

आफु मन्त्री भएपछी कानुनी उल्झनहरुलाई सुल्झाउँदै कामहरु सुरु गरेको बताउँदै शैक्षिक क्षेत्रमा आवश्यक पर्ने सबैखाले सहयोग गर्ने प्रतिवद्धता जनाए । खानेपानीको अभाव भएका समुदायले मुहान ब्यवस्थापन गरी समुदाय मिलेर माग गरेमा बजेट व्यावस्थापनमा पहल गर्ने उनको भनाई छ ।

सामुदायिक विद्यालयहरूमा समुदायको आकर्षण हुनुपर्ने वक्ताहरुले बताएका छिन् । सामुदायिक विद्यालयहरू समुदायको आकर्षणको केन्द्र नभई शैक्षिक उपलब्धिहरू हाँसिल गर्न नसकिने उनिहरुको भनाई छ ।

कार्यक्रममा वडा नम्बर २ का वडा अध्यक्ष श्याम बहादुर गिरी, वडा नम्बर ३ का वडा अध्यक्ष भिमसेन थापा, वडा नम्बर ४ का वडा अध्यक्ष क्षेत्र बहादुर तामाङ लगाएत निर्वातिच वडा सदस्यहरु, पुर्व जनप्रतिनिधिहर लगाएत समाजसेवि तथा राजनितिक दलका प्रतिनिधिहरुको सहभागिता रहेको थियो । कार्यक्रम विद्यालय व्यावस्थापन समितिका अध्यक्ष सञ्जु माया तामाङको अध्यक्षतामा सम्पन्न भएको हो ।