मेलम्ची–७ मा राप्रपाको वडा अधिवेशन सम्पन्न, हर्कबहादुर तामाङसहित १६ सदस्यीय टिम निर्विरोध निर्वाचित

१७ भदौ

मेलम्ची ।

मेलम्ची नगरपालिका–७ दुवाचौरमा सम्पन्न राष्ट्रिय प्रजातन्त्र पार्टी (राप्रपा) को वडा अधिवेशनबाट हर्कबहादुर तामाङसहित १६ सदस्यीय टिम निर्विरोध निर्वाचित भएका छन्।

राप्रपाको विधानअनुसार गोपाल श्रेष्ठ समेत निर्विरोध निर्वाचित भई प्रमाणपत्र ग्रहण गर्नुभएको केन्द्रिय सदस्य उदय सापकोटाले बताए । निर्वाचित कार्यसमितिलाई केन्द्रिय सदस्य जयप्रकाश गुरागाई, गोपाल श्रेष्ठ, प्रदेश सांसद एवम क्षेत्रीय अध्यक्ष कुमारी तामाङ, जिल्ला निर्वाचन समितिका संयोजक धुर्बकुमार थापा,मेलम्ची अध्यक्ष रामशरण महरा, इन्द्रवतीका युवा नेता गणेश खड्कालगायतले शुभकामना व्यक्त गर्दै सफल कार्यकालको कामना गरे ।

कार्यक्रम उत्साहका साथ सम्पन्न भएको बताइएको छ। उपस्थित नेताहरुले यसलाई दुवाचौरको लागि आशा लाग्दो र उत्साहजनक कदमको रूपमा लिएका छन्।