जनसुधारले मनायो ५१ औं वार्षिकोत्सब

इन्द्रावती ।
इन्द्रावती गाउँपालिका वडा नं ५ स्थित जनसुधार आधारभूत विद्यालयले आफ्नो ५१ औं वार्षिकोत्सब विविध साँस्कृतिक कार्यक्रमका साथ मनाएको छ । इन्द्रावती गाउँपालिकाका प्रवक्ता एवं वडा नं ५ का वडा अध्यक्ष शशिनाथ आचार्यकाे प्रमुख आतिथ्यतामा सम्पन्न कार्यक्रममा विद्यार्थीहरुबाट नृत्य, गायन तथा वक्तृत्व लगायतका प्रतिभा प्रस्तुत गरिएको थियोे ।

वार्षिकोत्सब कार्यक्रममा विद्यालयलाई विभिन्न समयमा आर्थिक, भाैतिक र शैक्षिक सहयोग प्रदान गर्ने काठमाडौं प्याब्सनका सहसचिव एवम् गाेकर्णेश्वरी लाइट एकेडेमीका प्रिन्सिपल साैर्यनाथ आचार्य र विद्यालय व्यवस्थापन समितिका पुर्व अध्यक्ष मंगले तामाङलाई सम्मान गरिएको थियोे

विद्यालय व्यवस्थापन समितिका अध्यक्ष सुर्यनाथ आचार्यकाे अध्यक्षतामा सम्पन्न कार्यक्रममा सिन्धुपाल्चोक प्याब्सनका अध्यक्ष एवम् नवलपुर भ्याली स्कुलका प्रिन्सिपल बुद्धिप्रसाद आचार्य, जनसुधार महिला विकास बचत तथा ऋण सहकारी संस्थाका अध्यक्ष अम्बिका आचार्य लगायतले शुभकामना मन्तव्य राखेका थिए भने विद्यालयकाे आर्थिक तथा प्रगति प्रतिवेदन प्रधानाध्यापक शंकरनाथ आचार्यले प्रस्तुत गरेका थिए ।