मेटामाेर्फिक एकेडेमीको वार्षिकोत्सब सम्पन्न

१५ फागुन
जलबिरे, सिन्धुपाल्चोक ।
बलेफी गाउँपालिका जलबिरे स्थित फाेडा मेटामाेर्फिक एकेडेमीकाे छैटौं वार्षिकोत्सब तथा अभिभावक भेला आज एक कार्यक्रमका बिच सम्पन्न भएको छ । निजी तथा आवासीय विद्यालय अर्गनाइजेसन नेपाल (प्याब्सन) सिन्धुपाल्चोकका अध्यक्ष ओमप्रकाश उप्रेतीको प्रमुख आतिथ्यतामा सम्पन्न कार्यक्रममा पुर्व प्राथमिक तह उतिर्ण गरेका विद्यार्थीहरुलाई दीक्षित समेत गरिएको थियाे ।

कार्यक्रममा बिशेष अतिथि सिन्धुपाल्चोक प्याब्सनका सचिव बुद्धिप्रसाद आचार्य, हर्टल्याण्ड एकेडेमी काठमाडौंका प्रतिनिधि इश्वर रिजाल, कुमारी बैंकका शाखा प्रबन्धक सम्पूर्ण गिरी, अर्चले आ.वि. का विद्यालय व्यवस्थापन समिति अध्यक्ष लगायतले शुभकामना मन्तव्य राखेका थिए ।

विद्यालय स्थापनाकाल देखि निरन्तर सेवा प्रदान गर्ने शिक्षक सानुमाया नगरकोटी, विद्यालय प्रति सद्भाव राख्दै सदैव स्कुलकाे हितमा सक्रिय रहनुहुने अभिभावकहरुलाई पनि वार्षिकोत्सबकाे अवसरमा सम्मानित गरिएको थियोे । साथै कार्यक्रममा कक्षागतरुपमा विद्यार्थीहरुले साँस्कृतिक तथा नृत्य प्रस्तुति राखेका थिए । कार्यक्रम विद्यालय व्यवस्थापन समिति अध्यक्ष तथा सञ्चालक सिलास रम्तेलकाे सभापतित्वमा सम्पन्न भएको थियोे ।