सिनियर र जुनियर दुवैकाे उपाधि प्रगतिलाई

१८ कार्तिक, खाडीचाैर ।
निजी तथा आवासीय विद्यालय अर्गनाइजेसन नेपाल (प्याब्सन) सिन्धुपाल्चोकले आयोजना गरेकाे जिल्ला स्तरीय लाेक नृत्य प्रतियोगिताकाे जुनियर तथा सिनियर दुवै तर्फकाे उपाधि प्रगति मा.वि. मेलम्चीले जित्न सफल भएको छ । सदाबहार एकेडेमी खाडीचाैरमा सम्पन्न प्रतियोगितामा जुनियरतर्फ ग्रिनल्याण्ड सेकेण्डरी स्कुल लामाेसाँघुले दाेश्राे स्थान, किस्टाेन एकेडेमी बाह्रबिसेले तेस्रो स्थान र जुगल बाेर्डिङ हाई स्कुल चाैताराले सान्त्वना पुरस्कार हात पारेका थिए ।

त्यस्तै सिनियर तर्फ सदाबहार एकेडेमी खाडीचाैरले दाेश्राे स्थान, ग्रिनल्याण्ड सेकेण्डरी स्कुल लामाेसाँघुले तेस्रो स्थान र केतु इङलिस बाेर्डिङ स्कुल बाह्रबिसेले सान्त्वना पुरस्कार जित्न सफल भएका थिए ।

कार्यक्रममा प्रमुख अतिथि वागमती प्रदेशका प्रदेश सभा सदस्य सरल सहयात्री पाैडेल, बिशेष अतिथिहरु वाग्मती प्रदेशका प्रदेश सभा सदस्य अमृता नेपाल, प्याब्सन वागमती प्रदेश अध्यक्ष केशवलाल श्रेष्ठ, सुनकोसी गाउँपालिका अध्यक्ष टपिन्द्रप्रसाद तिमल्सिना, बलेफी गाउँपालिका अध्यक्ष गंगाबहादुर तामाङ, लिसंखुपाखर गाउँपालिका अध्यक्ष राजु लामा, सुनकोसी गाउँपालिका उपाध्यक्ष कान्छीमाया लामा, सुनकोसी गाउँपालिकाका प्रमुख प्रशासकीय अधिकृत युगबहादुर खड्का लगायतले शुभकामना मन्तव्य राख्दै शिक्षामा निजी क्षेत्रले दिएको याेगदानकाे खुलेरै प्रशंसा गरेका थिए ।