सरसफाइ र अन्तरक्रियासहित इन्द्रावतीमा मनाइयो संविधान दिवस

३ असाेज
नवलपुर ।
संघीय गणतान्त्रिक नेपालकाे संविधान जारी भएको ८ वर्ष पुगेको उपलक्ष्यमा इन्द्रावती गाउँपालिकाले सरसफाइ तथा अन्तरक्रिया कार्यक्रम गरि आठौं संविधान दिवस मनाएको छ । संविधान दिवसको उपलक्ष्यमा आज बिहानै इन्द्रावतीकाे केन्द्र नवलपुर बजारमा सरसफाइ कार्यक्रम गरिएको थियोे ।

बजार सरसफाइ कार्यक्रममा गाउँपालिकाका अध्यक्ष, उपाध्यक्ष, राजनीतिक दलका पालिका नेताहरू, वडा अध्यक्षहरु, कार्यपालिका सदस्यहरु, शिक्षक, विद्यार्थी, संघसंस्थाका प्रतिनिधि, कर्मचारी र समाजसेवी आम नागरिकको भब्य उपस्थिति रहेकाे थियोे ।

सरसफाइ कार्यक्रम सम्पन्न भएपछि इन्द्रावती गाउँपालिकाकाे सभाहलमा अन्तरक्रिया तथा शुभकामना आदानप्रदान कार्यक्रम गरिएको थियोे । कार्यक्रमलाई सम्बाेधन गर्दै गाउँपालिका अध्यक्ष झम्कनाथ नेपालले नेपालकाे संविधानकाे मर्म र भावना अनुसार गाउँपालिका सरकार सञ्चालन गर्न सबै निर्वाचित जनप्रतिनिधि प्रतिबद्ध रहेको बताए ।

कार्यक्रममा पालिका प्रबक्ता शशिनाथ आचार्य, नेपाली कांग्रेसका पालिका सभापति जीवन थापामगर, नेकपा (एमाले) का इन्द्रावती गाउँपालिका इन्चार्ज डबले लामा, नेकपा (माओवादी केन्द्र) का पालिका उपाध्यक्ष तिलक राेक्का, निजी तथा आवासीय विद्यालय अर्गनाइजेसन नेपाल (प्याब्सन) सिन्धुपाल्चोकका सचिव बुद्धिप्रसाद आचार्य र गैरसरकारी संस्था महासंघ सिन्धुपाल्चोकका निवर्तमान अध्यक्ष गाेबिन्द सापकोटाले शुभकामना मन्तब्य राखेका थिए ।

गाउँपालिका अध्यक्ष झम्कनाथ नेपालकाे सभापतित्वमा सम्पन्न कार्यक्रममा गाउँपालिका उपाध्यक्ष शाेभना तामाङले स्वागत तथा प्रमुख प्रशासकीय अधिकृत राम प्रसाद शर्माले सहजीकरण गरेका थिए ।