इन्द्रावती गाउँपालिकाद्वारा प्रहरीलाई माेटरसाइकल सहयोग

८ चैत
नवलपुर, सिन्धुपाल्चोक ।
इन्द्रावती गाँउपालिकाले इलाका प्रहरी कार्यालय नवलपुरलाई दुईवटा १५० सिसिकाे माेटरसाइकल सहयोगस्वरुप प्रदान गरेकाे छ । आज इन्द्रावती गाउँपालिका अध्यक्ष झम्कनाथ नेपालले इलाका प्रहरी कार्यालय नवलपुरका प्रमुख प्रहरी निरीक्षक इन्द्रजीत इटनीलाई दुईवटा पल्सर माेटरसाइकल र साेकाे ब्लुबुक तथा साँचो हस्तान्तरण गरेका हुन् ।

आम नागरिककाे जीउधनको रक्षा र सामाजिक सद्भाव कायम राख्न चाैबिसै घण्टा खटिने प्रहरी कार्यालयलाई छिटाे छरितोरुपमा कार्य सम्पादन गर्न सहज हाेस भन्ने ध्येयले सवारीसाधन प्रदान गरिएको अध्यक्ष नेपालले बताए । हस्तान्तरण कार्यक्रममा गाउँपालिकाका अधिकृत पुष्पराज न्याैपाने, प्रहरी नायब निरीक्षक कुमार चाैलागाँई लगायतका अधिकारीहरुकाे उपस्थिति रहेको थियोे ।