नवलपुरकाे मुलेमा लाग्ने भाे पुर्णिामा मेला

सिन्धुपाल्चोक जिल्लाकाे इन्द्रावती गाउँपालिका वडा नम्बर ४ नवलपुर स्थित मुलेमा रहेको  दारिगौड देवि मन्दिरमा बर्सेनि पाैषशुक्ल पुर्णिामाको दिन  भब्य मेला लाग्दै आएको छ भने यस  बर्ष पनि पाैष २२ गते साे मेला भब्यरुपमा आयाेजना गर्न लागिएको स्थानीय श्याङ्वाे गुठीले जनाएको छ ।  करिब ७ पुस्ता अगाडि देखिनै  श्याङ्वाे गुठीले पुजा  र मेला गर्दै  आएकाे स्थानीय बताउँछन् ।

सयौं  वर्ष पहिले बाजेको पुस्ता चौतारा साँगाचोकगढी नगरपालिका वडा न २ गौराती बाट बसाई सरेर नवलपुर मुलेमा आएको र बिस्तारै बसोबास गर्दै जाँदा आफ्नो घर परिवार र पशुपन्छीहरुलाई क्षति पार्न थालेपछी स्थानीय दुखित भए र आफ्नो बाजे पुस्ता संग जोखाना हेर्दा नजिकै एउटा ओडारमा देवी मान्नु पर्ने भनेकोले स्थानीयले नजिकैको दारिगौड ओडारमा देवि मानेको र ओडारमा भनेको ले दारिगौड नामाकरण गरेको स्थानीय  बताउँछन । दारिगौड देवीलाई हरेक बर्ष पुजा गरे यस्ता सबै समस्याको अन्त्य हुने जन विश्वास छ । करिब ७ पुस्ता अगाडि देखी नै पुजा गर्दै आएको र अब आउने समयमा अझ व्यवस्थित  तरिकाले मेला र  पुजा गर्ने स्थानीय बाजे जयबहादुर श्याङ्वाे बताउँछन् ।

दारिगौड मेलाको अर्को विशेषता के छ भने देविकाे दर्शन गर्न आउने भक्तजनहरु लाई प्रसादको रूपमा आफुले खाने जस्तैः खट्टे,बदाम,सुन्तला,सखरखण्ड,पिँडालु,तरुल,चिया,रक्सी आदि जस्ता खानेकुराहरु प्रसादको रूपमा दर्शनार्थीहरुलाइ दिइने गरिन्छ । भक्तजन खुशी भए देवि उसै खुशी हुने स्थानीयकाे मान्यता रहेको छ ।                                               आफुहरु थोरै घरले मात्र देवी पुजा गरेकोमा उनीहरु  दुखी छैनन् ।  स्थानीय १० घर मिलेर हरेक बर्ष भक्तजनहरुलाइ चियापान देखी प्रसाद गूठी पुजा गर्दा  एक घर लाई  करिब ५ हजार ले पनि नपुग्ने देखिन्छ। तर देवी को नाममा यत्ती खर्च हाम्रो लागि थोरै हो,  हामी देवी को नाममा जत्ती भागमा आउँछ त्यति खर्च गर्न  तयार छाै , हामी आफै पैसा उठाएर भए पनि मन्दिर बनाउछाै – स्थानीय बाजे जयबहादुर तामाङ बताउँछन् ।   उनी भन्छन् – ७ पुस्ता भन्दा पाहिले देखि देवि लाई पुजा गर्दै आएको तर सरकारको पैसा भनेको अहिलेसम्म १ लाख ५० हजार भन्दा यो मन्दिर परेको छैन।

समय परिवर्तन संगै अहिले स्थानीयले जात्रा बैज्ञानिक किसिमले मनाउदै आएको युवाहरु बताउछन् ।  पहिला पहिला स्थानीय पन्चेबाजा बजाएर जात्रा मनाउँथे भने अहिले साउन्ड सिस्टम (DJ) को साथमा जात्रा मनाउने गरिएको स्थानीय युवा पदम तामाङ बताउँछन् ।