आजबाट सिन्धु प्याब्सन स्पाेर्ट्स फेस्टिवल शुरु हुने

लामाेसाँघु , सिन्धुपाल्चोक ।
निजी बिद्यालयहरुकाे छाता संगठन प्याब्सन सिन्धुपाल्चोककाे खेलकुद सप्ताह २०७९ आजबाट लामाेसाँघु स्थित बसन्तपुर खेलमैदानमा शुरु हुने भएको छ । प्याब्सन सिन्धुपाल्चोककाे आयाेजना र जिल्ला फुटबल संघ सिन्धुपाल्चोककाे सहयोगमा सञ्चालन हुने खेल उत्सवमा जिल्लाका डेढ दर्जन भन्दा बढी संस्थागत बिद्यालयहरुकाे सहभागीता रहनेछ । प्याब्सन जिल्ला अध्यक्ष ओमप्रकाश उप्रेतीका अनुसार प्याब्सन केन्द्रीय अध्यक्ष डिके ढुंगानाकाे प्रमुख आतिथ्यता र एन्फा केन्द्रीय बरिस्ठ उपाध्यक्ष बिरबहादुर खड्का, प्याब्सन केन्द्रीय उपाध्यक्ष कृष्ण अधिकारी,महासचिव आरबी कटुवाल र काेषाध्यक्ष सन्तोषमणि न्याैपाने काे बिशेष आतिथ्यतामा आज ११ बजे साे खेल सप्ताह उद्घाटन हुनेछ ।

आजदेखि पाैष २ गते सम्म सञ्चालन हुने खेलकुद सप्ताहमा ओपन ब्वाइज फुटबल, ओपन गर्ल्स भलिबल, जुनियर ब्वाइज फुटबल र एथलेटिक्सका खेलहरु आयाेजना हुनेछन् । राष्ट्रिय फुटबल टिमका दर्जनभन्दा बढी खेलाडीहरुले अवलोकन गर्ने आजको उद्घाटन खेलमा दिउँसो १ बजे जुगल बाेर्डिङ हाई स्कुल चाैतारा र ग्रिनल्याण्ड हाई स्कुल लामाेसाँघु तथा ३ बजे सदाबहार एकेडेमी खाँडीचाैर र चण्डेश्वरी हाई स्कुल बाह्रबिसे बिच प्रतिस्पर्धा हुनेछ ।