जित नजिक उपसभापति गुरुङ

नेपाली कांग्रेसका उपसभापति धनराज गुरुङ स्याङ्जा क्षेत्र नं २ बाट प्रतिनिधि सभा सदस्यमा निर्वाचित हुने  पक्का जस्तैः भएको छ । अब गन्न बाँकी मत भन्दा गुरुङकाे अग्रता  बढी भएकोले उनको जित निश्चित भएकाे हाे । पछिल्लो मत परिणाम अनुसार गुरुङले ३० हजार ९६९ मत प्राप्त गरेका छन् भने उनका निकटतम प्रतिद्वन्द्वी नेकपा (एमाले ) कि पद्मा अर्यालले २५ हजार २०३ मत प्राप्त गरेकि छन् । त्यसैगरी राष्ट्रिय स्वतन्त्र पार्टीका टिकराज गुरुङले ८ हजार १८ मत प्राप्त गरेका छन् ।                                                                      स्याङ्जाकाे क्षेत्र नं २ काे प्रदेश सभा २ मा पनि नेपाली कांग्रेसका महेश भट्टराई जित उन्मुख भएका छन् । हाल सम्मको मतगणनामा भट्टराईले १७ हजार २१९ मत प्राप्त गरेका छन् भने उनका निकटतम प्रतिद्वन्द्वी नेकपा (एमाले ) का बुद्धिमान श्रेष्ठले १४ हजार १२१ मत प्राप्त गरेका छन् ।