नवनिर्वाचित जनप्रतिनिधिलाई सिन्धुपाल्चोक उद्योग बाणिज्य संघको सम्मान

४ असार
बाह्रबिसे ।
स्थानीय तह निर्वाचन २०७९ मा सिन्धुपाल्चोक जिल्लाबाट निर्वाचित पालिका प्रमुख , उप प्रमुख तथा जिल्ला समन्वय समितिका प्रमुख ,, उप प्रमुखको सम्मानमा सिन्धुपाल्चोक उद्योग बाणिज्य संघले आज खुर्सानीबारी कभर्डहल, बाह्रबिसेमा एक बिशेष सम्मान कार्यक्रम सम्पन्न गरेकाे छ ।                                                                                     सिन्धुपाल्चोक उद्योग बाणिज्य संघका अध्यक्ष हेमबहादुर बस्नेत ( राजकुमार ) काे सभापतित्वमा सम्पन्न सम्मान कार्यक्रममा जिल्ला समन्वय समिति सिन्धुपाल्चोकका प्रमुख बालकृष्ण श्रेष्ठ , उप प्रमुख पदमनाथ नेपाल , बाह्रबिसे नगरपालिका प्रमुख बालकृष्ण बस्नेत , उप प्रमुख मञ्जु तामाङ , भाेटेकाेशी गाउँपालिका अध्यक्ष पासाङ नुर्पु शेर्पा , उपाध्यक्ष दिछेन शेर्पा, त्रिपुरासुन्दरी गाउँपालिका अध्यक्ष भक्तध्वज बाेहरा , बलेफी गाउँपालिका उपाध्यक्ष सरु लामा तामाङ लगायतका जनप्रतिनिधिको सहभागीता रहेको थियोे ।

साथै साे कार्यक्रममा सिन्धु ज्वाला साप्ताहिकले प्रकाशित गरेको “स्थानीय तह बिशेष २०७९” नामक बिशेष संग्रह जिल्ला समन्वय समितिका प्रमुख बालकृष्ण श्रेष्ठबाट विमाेचन गरिएको थियोे । संग्रहमा बिगत पाँच बर्षमा सिन्धुपाल्चोक जिल्लाका १२ वटै स्थानीय सरकारले गरेका उपलब्धिलाई समेटिएको पत्रिकाका सम्पादक दिनेश दुलालले जानकारी दिए ।