म्यादी प्रहरीको मृत्यु

चौतारा, सिन्धुपाल्चोक ।
स्थानीय तह निर्वाचन २०७९ को सुरक्षाको लागि म्यादी प्रहरीमा नियुक्ति भई मिति २०७८ चैत्र २८ गते देखि जिल्ला सिन्धुपाल्चोक चौतारा साँगाचोकगढी न.पा. वडा नं ७ स्थित मेलचौरमा म्यादी प्रहरीको प्रशिक्षणमा सहभागी रहेका दर्ता नं २१६१ का जिल्ला सिन्धुपाल्चोक चौतारा साँगाचोकगढी न. पा.वडा नं ६ बस्ने वर्ष ४० का दुर्गा सिं बस्नेत मिति २०७९ बैशाख ७ गते साढे चार बजे प्रशिक्षण कार्य सम्पन्न भए पश्चात आफ्नो घर तर्फ गएकोमा मिति २०७९ बैशाख ०८ गते विहान ०६ बजेको समयमा जिल्ला सिन्धुपाल्चोक चौतारा साँगाचोकगढी न. पा. वडा नं ६ पिपलडाँडा स्थित चौतारा नवलपुर सडक खण्डको डिलबाट अंन्दाजी ४० मिटर तल लडी मृत अवस्थामा लास फेला परेको छ ।
चौतारा अस्पतालमा पोष्टमार्टम लगायतको कार्य सम्पन्न भए पश्चात जातीय परम्परा अनुसार सदगदका लागि मृत लाश आफन्तले जिम्मा लिई गएको, घटना सम्बन्धमा थप अनुसन्धान कार्य भइरहेको जिल्ला प्रहरी कार्यालय सिन्धुपाल्चोकका सुचना अधिकारी प्रहरी नायब उपरीक्षक दक्षकुमार बस्नेतले जानकारी दिए ।