तयार भाे कुन्चाेक – पाेखरे जाेड्ने सिपाखाेला पुल

सिन्धुपाल्चोक जिल्लाको इन्द्रावती गाउँपालिका वडा नं ३ कुन्चाेक र वडा नं ८ सिपापाेखरे जाेड्ने तल्लो सिपाखाेला पक्की पुलकाे आज एक कार्यक्रमका बिच बागमती प्रदेशका पुर्व सामाजिक विकास मन्त्री एवं प्रदेश सभा सांसद माननीय युवराज दुलालले उद्घाटन गरेका छन । पुर्वमन्त्री दुलालकै पहलमा पुर्वाधार विकास कार्यालय मार्फत २ कराेड ५३ लाखकाे लागतमा निर्मित साे पुल १८ मिटर लामाे रहेको छ । उक्त पुलको निर्माण पछि चाैतारा साँगाचाेकगढी नगरपालिकाकाे पिपलडाँडा देखि कुन्चाेक सम्मका बासिन्दालाई राजधानी काठमाडौ आवतजावतका लागि छिटो र सहज हुनेछ ।                                                             

उद्घाटन कार्यक्रमलाई सम्वाेधन गर्दै पुर्वमन्त्री दुलालले संघियताले एकात्मक राज्यसत्ताकाे अन्त्य गर्दै मुलुकले विकासको नयाँ फड्काे मारेको बिश्वास ब्यक्त गरे । साथै आफू सांसदमा निर्वाचित भएपछि विकास निर्माणकाे नयाँ माेडल पेश गरेको पनि उनको दावी थियो । कार्यक्रमलाई इन्द्रावती गाउँपालिका अध्यक्ष एवं गाउँपालिका राष्ट्रिय महासंघका महासचिव बंशलाल तामाङ लगायतले सम्वाेधन गरेका थिए ।                                    इन्द्रावती गाउँपालिका वडा नं ८ का वडा अध्यक्ष केदारनाथ आचार्यकाे अध्यक्षतामा सम्पन्न उद्घाटन कार्यक्रमकाे सञ्चालन वडा सचिव गाेपिकृष्ण न्याैपानेले गरेका थिए ।