नेपाल बुद्धिजीवी संगठन इन्द्रावतीमा शुक्र

नेपाल बुद्धिजीवी संगठन इन्द्रावती गाउँपालिकाकाे प्रथम पालिका सम्मेलन आज नवलपुरमा सम्पन्न भएकाे छ । सम्मेलनले शुक्रप्रसाद आचार्यलाई पालिका अध्यक्षमा चयन गरेको छ ।

सम्मेलनले संगठनकाे १५ सदस्यीय पालिका कमिटीमा ६ सदस्य पछि थप गर्ने गरि हाललाई ९ सदस्यीय कार्यसमिति चयन गरेको छ । कार्यसमितिकाे उपाध्यक्षमा गणेशप्रसाद काेइराला, सचिवमा यादवप्रसाद आचार्य , सहसचिवमा महाप्रसाद चाैलागाँई , काेषाध्यक्षमा टुल्कु लामा र सदस्यहरुमा मनाेज कटुवाल , बिष्णुप्रसाद आचार्य , रश्मिला ढुंगाना र दिपक अधिकारी चयन भएका छन ।                               

कार्यक्रम नेकपा (माओवादी केन्द्र ) बागमती प्रदेश सचिवालय सदस्य एवम् सिन्धुपाल्चोक प्रतिनिधि सभा क्षेत्र नं २ का इन्चार्ज चिरञ्जीवी आचार्य चिरागकाे प्रमुख आतिथ्यता र नेपाल बुद्धिजीवी संगठन सिन्धुपाल्चोकका सचिव बुद्धिप्रसाद आचार्य , नेकपा (माओवादी केन्द्र ) जिल्ला समन्वय समिति सदस्य पुण्यप्रसाद आचार्यकाे उपस्थितिमा सम्पन्न भएको थियोे ।