इन्द्रावतीमा बन्ने भयाे भृकुटी सडक

२९ पाैष, नवलपुर
इन्द्रावती गाउँपालिकाकाे प्रवेश बिन्दु सिपाघाट बजार देखि ज्यामिरेमाने , नवलपुर हुँदै वडा नं १ सिम्पालकाभ्रे सम्मकाे सडक खण्डको नाम अब भृकुटी सडक कायम गरिने भएकाे छ । आज सम्पन्न इन्द्रावती गाउँपालिकाकाे दशाैं गाउँ सभाले साे निर्णय सर्वसम्मत रुपमा पारित गरेको हाे । गाउँपालिका अध्यक्ष बंशलाल तामाङले सबैकाे साझा र विवादरहित हुनेगरी राष्ट्रिय विभूतिकाे नामबाट साे सडकको नामाकरण गर्न राखेकाे प्रस्ताव सभाले अनुमाेदन गरेको हाे । इन्द्रावती गाउँपालिकाकाे करिबकरिब मध्यभागमा रहेकाे साे सडकले पालिकाकाे वडा नं १२ बाट शुरु भई वडा नं ७, ८, ६, ५ ४ हुँदै वडा नं १ सम्म पुग्दा पालिकाकाे १२ वटा मध्ये ७ वटा वडाहरुकाे अधिकांश भुभाग समेटिएको छ ।

यसका साथै आज सम्पन्न दशाैं गाउँ सभाले पालिकाे चाैमासिक समिक्षा , विनियोजित बजेटहरुकाे याेजना परिवर्तन तथा रकमान्तर , दुग्ध उत्पादक कृषकहरुलाई नगद अनुदान सम्बन्धि कार्यविधि कर्मचारीकाे सेवा सुविधा सम्बन्धि कार्यविधि, भू सेवा तथा मालपोत कर लगायतका बिषयमा सर्वसम्मत समेत पारित गरेको छ ।                                   

गाउँ सभालाई सम्बाेधन गर्दै गाउँपालिका अध्यक्ष तामाङले याे गाउँ सभा आफ्नो कार्यकालकाे अन्तिम सभा भएकाले याे समय सम्म साैहार्दपुर्णरुपमा पालिकाकाे विकास निर्माण र अन्य हरेक सवालमा सहयोग र सद्भाव राख्नुहुने वडा अध्यक्ष , कार्यपालिका सदस्य , गाउँ सभाका सभासद , कर्मचारी लगायत सबैलाई धन्यवाद ज्ञापन गर्नु भयाे । साथै आफ्नो कार्यकालमा साेचे जति गर्न नसके पनि अरुले भन्दा राम्रो काम गरेको तामाङकाे भनाइ थियोे ।