![logo](https://nayapanikhabar.com/wp-content/themes/2021/img/logo.png)
सत्तारूढ दल नेपाली कांग्रेस इन्द्रावती गाउँपालिका अधिवेशनमा सहमति जुट्न नसकेपछि भाेली मंसिर ७ गते बिहान साँढे ८ बजेदेखि मतदान शुरु हुनेगरी आजलाई स्थगित गरिएको छ । नेताहरूले सहमतिकाे प्रयास गरेपनि सहमति हुन नसकेपछि अधिवेशन स्थगित गरिएको हाे ।
नेपाली कांग्रेसका जिल्ला सभापति बिकाश लामा , कांग्रेसका प्रभावशाली नेता एवं गाउँपालिका अध्यक्ष बंशलाल तामाङ र पुराना नेता राजेन्द्र ताल्चाभँडेल समेतको गृहपालिका रहेको इन्द्रावतीमा सभापतिका आकांक्षीहरु धेरै भएपछि साँझ अबेला सम्मकाे नेताहरूकाे सहमति प्रयास बिफल भएकाे थियोे ।
सभापतिमा हाल वडा नं १० का वडा अध्यक्ष जीवनकुमार थापा, नवराज भट्टराई , केशव श्रेष्ठ , अणबहादुर तामाङ र बुद्धिप्रसाद भट्टराईकाे उम्मेदवारी परेकाे छ भने २ जना उपसभापतिका लागि अष्टमाई तामाङ , ऋषिराम आचार्य , कृष्णप्रसाद न्याैपाने , भिमबहादुर तामाङ र सिताराम दनुवारले मनाेनयन दर्ता गरेका छन ।
त्यसैगरी सचिवमा उत्तमबिक्रम थापा, कृष्णप्रसाद काेइराला, प्रेमप्रसाद आचार्य , बिष्णुकुमार भारती र नारायण आचार्यले दाबी पेश गरेका छन । सहसचिव पदका लागि भने अशिन दनुवार , दिनेश खरेल र सराेज न्याैपानेकाे उम्मेदवारी परेको छ ।
प्रतिक्रिया दिनुहोस