सुमनले जिते पाँचपाेखरी हाफ म्याराथन

सिन्धुपाल्चोक पाँचपाेखरी विन्टर अल्ट्रा ट्रेल हाफ म्याराथन २०२१ काे उपाधी यस बर्ष पनि साेलुखुम्बुका सुमन कुलुङ राईले हात पार्न सफल भएका छन । समुन्द्री सतहदेखी ४ हजार २ सय मिटरको उचाइमा रहेको सिन्धुपाल्चोककाे पाँचपाेखरी देखि पाँचपाेखरी थाङ्पाल गाउँपालिकाकाे रैथाने सम्मकाे करिब २६ किलोमिटरको दुरी सुमनले १ घण्टा ५५ मिनेट ५२ सेकेन्डमा पूरा गरेका थिए । गत संस्करणमा साेहि दुरी सवा दुई घण्टामा पूरा गरेर सुमनले नै प्रथम स्थान हासिल गरेका थिए । सुमन उपाधीका साथमा नगद रु. ५० हजारबाट सम्मानित भएका छन ।                                               

पाँचपाेखरी थाङ्पाल गाउँपालिकाकाे रैथानेमा आज एक बिशेश कार्यक्रमका बिच बिजेता खेलाडीलाई सम्मानतथा पुरस्कार प्रदान गरिएको थियोे । म्याराथनमा पुरुषतर्फ दाेश्राे स्थान हासिल गर्न सफल नेपाली सेनाका गाेपाल तामाङ र तेस्रो स्थान हासिल गर्न सफल नेपाली सेनाकै श्रीकाश राईले क्रमश २ घण्टा २९ सेकेन्ड र २ घण्टा १
मिनेट ४० सेकेन्डमा निर्धारि त दुरी पूरा गरेका थिए । उनीहरूले नगद रु. ३० हजार र रु. २० हजारसहित प्रमाणपत्र प्राप्त गर्न सफल भएका छन । त्यस्तै पुरुष तर्फकै चाैथाे र पाँचौ स्थान जित्दै अर्जुन कुलुङ र तिर्थ तामाङले क्रमश नगद रु . १० हजार र ५ हजार हात पारेका छन ।

महिला तर्फकाे प्रतिस्पर्धामा धादिङकि रसिला तामाङले निर्धारित दुरी २ घण्टा ४४ मिनेट ४३ सेकेन्डमा पूरा गरि उपाधि सहित नगद र. ५० हजार जित्न सफल भएकी छन । त्यसैगरी महिलातर्फकाे दाेस्राे स्थान सिन्धुपाल्चोककी नितु तामाङ र तेस्रो स्थान प्युठानकी संगिता बुढामगरले हात पारेका छन भने चाैथाे र पाँचौ स्थान क्रमश आश्मा बिश्वकर्मा र निर्मला राईले जितेका छन । सिन्धुपाल्चोक जिल्लाका खेलाडी मध्ये पुरुषमा संच तामाङ र महिलातर्फ नितु तामाङ प्रथम भएका छन भने भेट्रान बिधामा पुरुषतर्फ गाेरखाका भिमबहादुर तामाङ र महिलामा राधा श्रेष्ठले प्रथम स्थान जित्न सफल भएका छन । कुल ६६ जना सहभागी रहेको साे म्याराथनमा खेलाडीकाे हाैसलाका लागि किर्तिमानी धावक बैकुण्ठ मानन्धर समेत सहभागी बनेका थिए ।                                               

पाँचपाेखरी गाउँपालिकाकाे रैथानेमा आज आयाेजित पुरस्कार बितरण तथा समापन कार्यक्रममा उपाधी बिजेता खेलाडीहरुलाई नगद तथा प्रमाणपत्र प्रदान गरिएको थियोे । कार्यक्रमलाई प्रमुख अतिथि किर्तिमानी धावक बैकुण्ठ मानन्धर , प्रदेश खेलकुद बिकास समितिका सदस्य सचिव
सुर्य भण्डारी , गाउँपालिका अध्यक्ष टासी लामा तथा राजनीतिक दलका पालिका प्रतिनिधि लगायतले सम्बाेधन गरेका थिए ।