मेलम्ची – पाँचपाेखरी सडकमार्ग जाेडियाे

गत असार १ र श्रावण १६ गते आएको मेलम्ची बाढीको कारण सडकमार्गबाट बिच्छेद भएको मेलम्ची बजार र पाँचपाेखरी थाम्पाल गाउँपालिका, ज्यामिरे, शिखरपुर तथा नवलपुर – चाैतारा सडक खण्ड आजबाट अस्थायी रुपमा जाेडिएकाे छ । असार १ गतेकाे भिषण बाढीले मेलम्ची -शिखरपुर जाेड्ने पक्की पुल बगाएपछि त्यसभन्दा माथिल्लो भेगका नागरिकले निकै नै कष्टकर जीवन भाेग्न बाध्य भएका थिए ।                                          नजिकिदै गरेको नेपालीहरुको महान चाड बडा दशै तथा शुभ-दिपावली लाई मध्यनजर गर्दै र आम उपभोक्तालाई सेवा पुर्याउने उद्देश्यले इन्द्रावती नदिमा ह्युमपाइप राखी पाँचपाेखरी थाम्पाल गाउँपालिका पुरै, मेलम्ची नगरपालिकाका वडा नं ९ र १० तथा नवलपुर चाैतारा सम्म मेलम्चीबाट यातायात सेवा जोडिएको छ । मेलम्ची नगरपालिकाको समन्वयमा स्थानीय समाजसेवी तारा बानियाँकाे अध्यक्षतामा उपभोक्ता समिति निर्माण गरि काम सञ्चालन गरिएको करिब एक हप्तामा आज बाट सडक मार्ग सन्चालनमा आएकाे हाे ।                                 उपभोक्ता समितिका अध्यक्ष तारा बानियाँले समितिका सदस्यहरु ,मेलम्चि नगर उधोग बाणिज्य सघ,वडा न १० का वडा अध्यक्ष भक्तबहादुर खडका, वडा न ११ का वडा अध्यक्ष रुद्र प्र दुलाल, मेलम्चि नगरपालिका तथा सम्पुर्ण नगरवासीहरुकाे साथ सहयोगका कारण समितिले समयमै काम सम्पन्न गर्न सकेको बताए ।